Мариуполь дахь "Азовсталь" гангийн үйлдвэрт ажиллаж байгаа Украины Үндэсний гвардийн 12 дугаар шуурхай бригадын командлагч Д.Шлеха хэлэхдээ, “Өчигдөр /2022.05.01/ нүүлгэн шилжүүлэх хүмүүсийн эхний хэсэг үйлдвэрээс гарч чадсаны дараа дайсан бүх төрлийн зэвсгийг ашиглаж эхэлсэн. Шөнө тайван бус байлаа" гэж мэдэгдэв.
Мөн тэрээр, “тэнгисийн цэргийн их буу “Азовсталь” дээр шөнийн 3 цаг хүртэл ажилласан. Өглөө нь нам гүм болсон. Цогцолбор дотор гацсан энгийн иргэдийн өөр хэсэг даваа гараг /2022.05.02/-т гарч чадах эсэх нь тодорхойгүй байна” гэжээ. Түүний хэлснээр тус газарт 200 орчим хүн, түүний дотор 20 хүүхэд үлдсэн байна.
Эх сурвалж: CNN
