Хятадын армийн 30 онгоц Тайванийн агаарын довтолгооноос хамгаалах бүсийн баруун өмнөд хэсгийг зөрчиж нисжээ.
Улмаар Тайванийн талаас хариу арга хэмжээ аван байлдааны онгоцнуудаа хөөргөсөн байна. Мөн Хятадын онгоцнуудын чиглэлийг тогтоохын тулд агаараас эсэргүүцэн хамгаалах системээ идэвхжүүлжээ. Тайванийн Үндэсний батлан хамгаалахын яамны мэдээлснээр 30 онгоцны 22 нь сөнөөгч, үлдсэн нь тагнуулын болон байлдааны онгоц байсан аж.
Тус яамны мэдээлснээр 2020 оны есдүгээр сарын 17-оос хойш Хятадын цэргийн нисэх онгоцууд агаарын довтолгооноос хамгаалах бүсэд нэвтрэх тохиолдол нэмэгдэж байгаа аж.
БНХАУ Тайванийг өөрсдийн нэг муж гэж үздэг. Харин Тайванийн талаас үүнийг хүлээн зөвшөөрдөггүй. Харин ОХУ Украинд довтолсны дараа БНХАУ ч Тайванийг өөрсдөдөө нэгтгэхээр оролдож магадгүй хэмээн зарим шинжээч үзэж байгаа юм.
30 PLA aircrafts (KJ-500 AEW&C*2, Y-8 ELINT*4, Y-8 EW*1, Y-8 ASW*1, J-16*6, J-11*8, J-10*4, SU-35*2, and SU-30*2) entered #Taiwan’s southwest ADIZ on May 30, 2022. Please check our official website for more information: https://t.co/0lmMYSyNQr pic.twitter.com/OwUE8CXF5G
— 國防部 Ministry of National Defense, R.O.C. 🇹🇼 (@MoNDefense) May 30, 2022
Эх сурвалж: Focustaiwan
