Дэлхийн даяар нэрээ цуурайтуулж буй БНСУ-ын BTS хөвгүүдийн хамтлаг өнгөрсөн шөнө АНУ-ын Цагаан ордонд ирж, арьс өнгөөр ялгаварлан гадуурхалтын эсрэг дуу хоолойгоо илэрхийллээ. Тэд Цагаан ордны хэвлэлийн төлөөлөгч Карин Жан-Пьертэй хамт хэвлэлийн бага хуралд оролцсон бөгөөд цомхон илтгэл тавьсан байна.
Илтгэлийн үеэр хамтлагийн гишүүн Мин Шюга “Өөр байх нь буруу зүйл биш. Тэгш байдал гэдэг бид бүх ялгаагаа арилгаж, бие биенээ хүлээн зөвшөөрөхөөс эхэлдэг” гэжээ. Мөн хамтлагийн гол хоолой болох Ким Тэхён “Хүн бүр өөрийн гэсэн түүхтэй. Бид хүн бүрийн туулсан амьдрал, түүхийг нь хүндэтгэж, ойлгосноор нэг алхам урагшлах болно” гэв.
Коронавирусийн халдварын улмаас Азиудыг ялгаварлан гадуурхах үзэл эрс нэмэгдсэн. Харин BTS хамтлаг арьс өнгөөр ялгаварлан гадуурхалт, Азиудыг үзэн ядах үзлийн эсрэг дуу хоолойгоо тууштай илэрхийлсээр ирсэн юм.
[#오늘의방탄] BTS visited the #WhiteHouse to discuss anti-Asian hate crimes and Asian inclusion!
— BTS_official (@bts_bighit) June 1, 2022
잊을 수 없는 경험을 선사해 준, 전 세계 모든 아미 여러분 고마워요!#BTSatTheWhiteHouse #백악관소년단 #BTS #방탄소년단 pic.twitter.com/PwPhHK8T1w