Украины Батлан хамгаалахын сайд О.Резников "Дайн хэзээ дуусахыг таамаглахад бэрх, гэхдээ миний өөдрөг төсөөллөөр бол оны эцэс гэхэд дуусгавар болж магадгүй" гэж мэдэгджээ.
О.Резников Словакийн Братислав хотод болсон “GLOBSEC-2022” форумд оролцож үг хэлэх үеэрээ, “Украины батлан хамгаалах хүчинд хүнд зэвсэг, ялангуяа MLRS, түүнчлэн бусад их буу, танк, хөлөг онгоц эсэргүүцэх систем, нисгэгчгүй систем, пуужин, агаарын довтолгооноос хамгаалах хэрэгсэл шаардлагатай хэвээр байна. Одоо нөхцөл байдал аажмаар өөрчлөгдөж байна. Олон улсын дэмжлэгийн үр нөлөөг нэмэгдүүлэх үүрэг хүлээсэн Украинтай хамт байгаа улс бүрийн оруулсан хувь нэмрийг бид үнэлж байна.
Херсон мужид Оросын арми гүн гүнзгий шаталсан хамгаалалтыг байгуулж байна. Бидний зорилго бол Оросын хувилбаруудыг хэрэгжүүлэхээс сэргийлж, газар нутгаа аль болох хурдан чөлөөлөх явдал юм” гэжээ.
Эх сурвалж: CNN
