Дэлхийн шилдэг баритон Э.Амартүвшинд Ардын жүжигчин цол хүртээхээр болжээ. Ардын жүжигчин цол хүртээх ёслолын ажиллагаа 12:00 цагт Төрийн ордонд болно.
Э.Амартүвшин 25 насандаа Монгол Улсын Гавьяат жүжигчин цолыг хүртэж, 2016 оноос эхлэн дэлхийн томоохон 10 гаруй театруудтай гэрээ байгуулан дэлхийн дуучин болж, 2021 онд дэлхийн “Шилдэг Баритон” дуучнаар шалгарсан билээ. Түүний гаргасан амжилтуудаас дурдвал,
- 2011 онд П.И.Чайковскийн нэрэмжит ОУ-ын XIV уралдаан /Санкт-Петербург, ОХУ/, II байр мөн үзэгчдийн нэрэмжит шагнал,
- 2012 онд Плачидо Домингогийн ОУ-ын дуурийн дуучдын уралдаан /Бээжин, БНХАУ/, I байр,
- 2013 онд Франциско Винасын нэрэмжит 50 дахь ОУ-ын уралдаан /Барселон, Испани/, II байр, Оросын хөгжмийн зохиолчдын бүтээлийн шилдэг дуучин мөн «Associacio d’Amics de l’Opera deSebadell»-ийн тусгай шагнал,
- 2015 онд «BBC Cardiff Singer of the World» тэмцээн, үзэгчдийн нэрэмжит шагнал,
- 2016 онд «Seoul International Music Competition»-д III байрыг тус тус эзэлсэн.
Эх сурвалж: ДБЭТ
