Авлигатай тэмцэх газар /АТГ/-аас “Тавантолгой төмөр зам” ХК-ийн гүйцэтгэх захирал Н.Удаанжаргалыг "Богдхан төмөр зам" болон үндэслэлгүй хөрөнгөжсөн гэх асуудлаар шалгаж байгаа талаар бид өмнө нь мэдээлж байсан. Холбоотой мэдээллийг ЭНД ДАРЖ уншина уу.
Харин "Тавантолгой төмөр зам” ХК-ийн гүйцэтгэх захирал Н.Удаанжаргал нь БНСУ-аар дамжин АНУ-руу оргон зайлсан байж болзошгүй нөхцөл байдал тогтоогдоод байгаа.
Тэгвэл “Тавантолгой төмөр зам” ХК-ийн гүйцэтгэх захирал Н.Удаанжаргалыг прокуророос яллагдагчаар татаж, интерполоор эрэн сурвалжилж эхэлсэн талаар эх сурвалж мэдээллээ. Мөн Цагдаагийн ерөнхий газар, Тагнуулын ерөнхий газар, Авлигатай тэмцэх газрын хамтарсан баг уг хэрэгт хамтарсан баг гаргаж, түүнийг эх оронд нь авч ирэхээр ажиллаж байгаа гэдгийг тодотголоо. Ташрамд өгүүлэхэд, нүүрсний хэрэгт холбоотойгоор яллагдагчаар татагдсан УИХ-ын гишүүн Т.Аюурсайханыг хэргийн оролцогч нарт нөлөөлөхөөс урьдчилан сэргийлж, “Тавантолгой төмөр зам” ХХК-ийн захирал Н.Удаанжаргал нартай уулзахыг хориглоод байгаа юм.
