Манай улсад шатахуун боловсруулах үйлдвэр байхгүй тул ОХУ-аас бензин, дизелийн түлшний хувьд бүрэн хараат байгаа гэж болно. Иймд ОХУ-аас шатахууны хувьд хараат бус болж, дотооддоо шатахуун үйлдвэрлэдэг болохын тулд газрын тосны хайгуулыг сайтар хийж, нөөцөө тогтоох зайлшгүй шаардлагатай.
Харин манай хөдөө орон нутгийн иргэд хайгуул хийх, ашиглах хоёрыг сайтар ялгаж мэдэхгүйн зэрэгцээ уул уурхайг улдан эсэргүүцдэг. Энэ нь тэдний мэдлэг боловсролтой ч холбоотой байхыг үгүйсгэхгүй.
Учир нь Баянхонгор аймгийн иргэдийн төлөөлөгчдийн хурлаар “тус аймгийн Баян-Өндөр, Шинэжинст, Баянлиг сумдын нутагт хамаарч буй газрын тосны хайгуулын Нэмэгт VI талбайд нээлттэй сонгон шалгаруулалт зарлахаас татгалзсан” тогтоол гаргасан байна. Улмаар тус тогтоолоо Ашигт малтмал, газрын тосны газарт хүргүүлэхээр болсон нь олон нийтийн сүлжээнд иргэдийн шүүмжлэлтэй тулгараад байна.
