Сураггүй алга болсон хөгжлийн бэрхшээлтэй 16 настай охиныг эрэн хайж байгаа талаар бид өмнө нь мэдээлсэн билээ.
Тэгвэл тухайн иргэнийг олж, ар гэрт нь хүлээлгэн өгсөн байна. Тодруулбал, Баянхонгор аймгийн Жаргалант сумын "Нуурын өргөн мод" гэх газарт 16 настай /хөгжлийн бэрхшээлтэй/ эмэгтэй хүүхэд алга боллоо гэх дуудлага, мэдээлэл цагдаагийн байгууллагад гуравдугаар сарын 15-ны өдөр 23.45 минутад ирсэн байна. Дуудлага, мэдээллийн дагуу тус сумын цагдаагийн алба хаагчид онцгой байдлын алба хаагчдын хамт эрэн хайх ажлыг зохион байгуулж гуравдугаар сарын 16-ны өдрийн 05.45 цагт хүүхдийг уулнаас эсэн мэнд олж, ар гэрт нь хүлээлгэн өгчээ.
