Монгол Улсын Ерөнхийлөгчийн Тамгын газар болон Хүнс, хөдөө аж ахуй, хөнгөн үйлдвэрийн яамнаас сав баглаа боодлын үйлдвэрлэл эрхлэгчид, мэргэжлийн холбоодод "Хүнсний болон хүнсний зориулалтын сав баглаа боодлын үйлдвэрлэлийг дэмжих хөнгөлөлттэй зээл"-ийн талаар мэдээлэл болон бусад асуудлаар мэдээлэл өгч, санал солилцох уулзалт боллоо.
ҮЗЭХ:
Монгол Улсын Ерөнхийлөгчийн санаачлан батлуулсан "Хүнсний хангамж, аюулгүй байдлыг хангах талаар авах зарим арга хэмжээний тухай" УИХ-ын 2022 оны 36 дугаар тогтоол, Засгийн газрын 2023 оны "Хүнсний хангамж, хөдөө аж ахуйн салбарын технологит ажлын талаар авах зарим арга хэмжээний тухай" 63 дугаар тогтоолоор хүнс, хөдөө аж ахуйн үйлдвэрлэл эрхлэгчдэд эргэлтийн хөрөнгө болон хөрөнгө оруулалтын зориулалтаар нийт 982.0 тэрбум төгрөгийн зээлийг 5-6 хувийн хүүтэй, 3-5 жилийн хугацаатай, арилжааны банкны эх үүсвэрээр санхүүжүүлж, Засгийн газраас 13 хувийг хүүгийн хөнгөлөлттэйгөөр олгохоор шийдвэрлэсэн. Энэ хүрээнд арилжааны 10 банкаар дамжуулан эргэлтийн хөрөнгийн болон хөрөнгө оруулалтын зориулалтаар уг зээлийг олгоно. Үүнд:
- Мал аж ахуйн үйлдвэрлэлийг дэмжихэд 132.3 тэрбум төгрөг,
- Газар тариалангийн үйлдвэрлэлийг дэмжихэд 342.6 тэрбум төгрөг,
- Хүнсний боловсруулах, сав баглаа боодлын үйлдвэрлэлийг дэмжихэд 507.1 тэрбум төгрөг,
- Нийт 982.0 тэрбум төгрөгийн зээлийг хүнс,
Хөдөө аж ахуйн үйлдвэрлэл эрхлэгчдэд 3-5 жилийн хугацаатай олгох аж. Энэхүү ажлын хүрээнд Монгол Улсын Ерөнхийлөгчийн Тамгын газар болон Хүнс, хөдөө аж ахуй, хөнгөн үйлдвэрийн яамнаас сав баглаа боодлын үйлдвэрлэл эрхлэгчид, мэргэжлийн холбоодод "Хүнсний болон хүнсний зориулалтын сав баглаа боодлын үйлдвэрлэлийг дэмжих хөнгөлөлттэй зээл"-ийн талаар мэдээлэл болон бусад асуудлаар мэдээлэл өгч, санал солилцох уулзалт боллоо. Хүнс, хөдөө аж ахуйн үйлдвэрлэлийг дэмжих хөнгөлөлттэй зээлийг дараах банкнууд олгоно.
- Төрийн банк
- Хаан банк
- Худалдаа хөгжлийн банк
- Голомт банк
- Капитрон банк
- Тээвэр хөгжлийн банк
- Хас банк
- Богд банк
- Ариг банк
- М банк
