Монголбанкны зарласан албан ханшаар гуравдугаар сарын дунд үеэс ам.доллар төгрөгийн эсрэг суларч, ханш тогтворжиж буй талаар бид өмнө нь мэдээлсэн.
Тодруулбал, гуравдугаар сарын 17-нд ам.долларын эсрэг төгрөгийн албан ханш 3,528.05 төгрөгтэй тэнцэж байсан бол өнөөдрийн байдлаар /2023.04.17/ 29 төгрөгөөр буурч, 3496 төгрөгтэй тэнцэв. Мөн өнгөрсөн онд валютын нөөц 2.5 тэрбум долларт хүрч унасан байсан бол сүүлийн долоо хоногийн байдлаар валют 3 тэрбум 438 сая долларт хүрч 4-5 сарын импортыг хангах боломжтой нөөцтэй байна.