Хөдөлмөрийн баатар, Ардын уран зохиолч Б.Лхагвасүрэнгийн зохиол, “Hero” энтертайнментын ерөнхий найруулагч Б.Баатарын найруулсан “Тамгагүй төр” монгол драм Английн нийслэл Лондон хотын төв театр “Колизей”-т ирэх арваннэгдүгээр сарын 17-ны өдөр /2023.11.17/-өөс арванхоёрдугаар сарын 02 /2023.12.02/-ны өдрүүд "The Mongol khan" нэртэйгээр тоглогдохоор болоод буй.
Тэгвэл өнгөрөгч Бямба гараг /2023.05.06/-т болсон "Их Британийн III Чарльзийг хаан ширээнд залах ёслол"-д Ерөнхийлөгч У.Хүрэлсүх оролцох үеэрээ "The Mongol khan" монгол драм тоглогдох Лондон хотын төв театр “Колизей”-т очиж, танилцжээ. Учир нь "The Mongol khan" монгол драм дэлхийн соёл, урлагийн төв гэгддэг Лондон хотод тоглогдох гэж байгаа нь түүхэн үйл явдал болж буй юм.
