Цагаан ордны хэвлэлийн төлөөлөгч Карин Жан-Пьер сэтгүүлчдийн хүсэлтээр, "өчигдөр /2023.07.24/ өглөө Москвад болсон нисгэгчгүй онгоцуудын цохилт"-ын талаар тайлбар хийжээ.
Тодруулбал, өчигдөр ОХУ-ын нийслэл Москва хотын төвд байрлах Лихачевын өргөн чөлөөнд байрлах нэгэн барилга нисгэгчгүй онгоцны дайралтад өртсөн бол нисгэгчгүй нэг онгоц Оросын Батлан хамгаалах яамны төв байрны ойролцоо унасан юм. Энэ талаар Карин Жан-Пьер, ""АНУ зарчмын хувьд Оросын нутаг дэвсгэрт ямар ч халдлагыг дэмжихгүй. Энэ бол Орос улсын эхлүүлсэн дайн. Тэд Украины нутгаас цэргээ гаргаснаар ямар ч үед үүнийг дуусгаж чадна" гэж мэдэгджээ.
Эх сурвалж: BBC
