Монголын Либертари намыг үүсгэн байгуулагч, комедиан Д.Амартүвшингээс Улсын дээд шүүхэд өчигдөр буюу аравдугаар сарын 16-ны өдөр өргөдөл ирүүлжээ. Тус өргөдөл нь “Либертари нам үүсгэн байгуулсныг улсын бүртгэлд бүртгүүлэх” тухай агуулгатай болохыг Улсын дээд шүүхээс мэдээлэв. Сонирхуулахад, аравдугаар сарын эхээр Монголын "Либертари Нам"-ын дарга Д.Амартүвшин тэргүүтэй гишүүд "Анхдугаар их хурал"-аа хийх болсон талаар мэдээлж байсан билээ.
