Авлигатай тэмцэх газрын Урьдчилан сэргийлэх, соён гэгээрүүлэх хэлтэс 2023 оны аравдугаар сарын 9-13-ны өдрүүдэд авлигын гэмт хэргийн шалтгаан, нөхцөлийг арилгуулахаар ажиллажээ.
Ингэхдээ Мөрдөн шалгах хэлтсийн мөрдөгчөөс Гаалийн ерөнхий газар, Зэвсэгт хүчний жанжин штаб, Архангай аймгийн Засаг дарга, Батлан хамгаалах яам, Завхан аймгийн ИТХ, Архангай аймгийн Боловсрол шинжлэх ухааны газар, Завхан аймгийн Засаг дарга, Нийслэлийн Засаг даргын Тамгын газар, Төрийн өмчийн Бодлого зохицуулалтын газар, Тээврийн цагдаагийн алба, Сонгинохайрхан дүүргийн Цагдаагийн нэгдүгээр хэлтэс, “ДЦС-3” ТӨХК, Өвөрхангай аймгийн Баянгол сумын Засаг даргын Тамгын газар зэрэг байгууллага, албан тушаалтанд хүргүүлсэн нийт 19 мэдэгдлийн хэрэгжилтэд дүн шинжилгээг хийсэн байна.
Зарим салбарт гэрээний үүргээ хангалтгүй гүйцэтгэсэн аж ахуйн нэгжүүдийн “Ажлын гүйцэтгэлийн түүх” үүсгэх, тендерт өрсөлдөх байдлын шалгуур үзүүлэлтэд тусгуулах чиглэлээр ажилласан байна. Энэ хүрээнд “Барилгын хөгжлийн төв” ТӨҮГ, “Эрчим хүчний үндэсний төв” ТӨХХК, “Зам, тээврийн хөгжлийн төв” ТӨҮГ-ын захиалагчийн хяналтын хэлтсийн дарга, ахлах ажилтнуудтай уулзаж, гэрээний үүргээ хангалтгүй хэрэгжүүлж буй аж ахуйн нэгжүүдийг хар жагсаалтад оруулах, ажлын гүйцэтгэлийн түүхийг үүсгэх зэрэг ажлуудыг тус байгууллагуудтай хамтран хэрэгжүүлэхээр болжээ.
Эх сурвалж: Авлигатай Тэмцэх газар
