Нийтийн цахим өргөдөл, гомдлын системийг шинээр нэвтрүүлж буй талаар УИХ-ын дарга Г.Занданшатар мэдээлсэн. Энэ нь хууль тогтоох үйл ажиллагаанд иргэдийн оролцоог хангах шинэ хөшүүрэг болох юм.
Иргэд petition.parliament.mn системд нэвтэрч, тодорхой асуудлаар өргөдөл бичиж болох бөгөөд иргэдээс санал авах боломжтой. Тэгвэл уг системд нэгэн иргэн "Цалинтай ээж" буюу 0-3 насны хүүхэд асарсны тэтгэмжийн 50 мянган төгрөгийг нэмэгдүүлэх өргөдөл гаргаж, иргэдээс санал авч эхэлсэн байна. Иргэд уг систем рүү нэвтэрч саналаа өгөх боломжтой. Саналыг 30 хоногийн хугацаанд авах бөгөөд 100 мянгаас илүү хүн дэмжвэл хууль санаачлах шатанд шилжих юм. Тухайн асуудлыг 30 хоногийн хугацаанд 33 мянга ба түүнээс дээш иргэн дэмжвэл ажлын хэсэг байгуулна. 70 мянгаас дээш хүн дэмжвэл хяналт шалгалтын түр хороо, 100 мянгаас их бол УИХ-ын холбогдох Байнгын хороо хууль санаачлах юм.
