МИАТ ТӨХК Хөвсгөл аймгийн Засаг даргын Тамгын газартай хамтран 2023 оны арваннэгдүгээр сарыг "Хөх сувдын орноор аялах сар" болгон зарлалаа.
Энэ хүрээнд Хөвсгөл аймгийн үзэсгэлэнт газруудаар аялах нислэгийн 3+1 үнэгүй, хоёр том хүн зорчиход хоёр хүүхэд үнэгүй байхаар тогтжээ. Мөн нислэгийн тийзийн үнэ Улаанбаатар - Мөрөн чиглэлд нэг талдаа 194 мянган төгрөг, хоёр талдаа 381 мянга 500 төгрөгийн үнэтэй байх бөгөөд энэхүү урамшуулал нь зөвхөн Хөвсгөл аяллын маршрутад хамрагдсан зорчигчдод хамаарах аж.
