Улс, хот хоорондын нийтийн тээврийн чиглэлээр зорчихдоо үнэгүй Wi-Fi ашиглах боломжтой болсон талаар Авто Тээврийн үндэсний төвөөс мэдээллээ.
Авто тээврийн үндэсний төв хот хоорондын нийтийн зорчигч тээврийн үйлчилгээг 58 аж ахуйн нэгж, байгууллагатай гэрээ байгуулан 49 чиглэлд 800 тээврийн хэрэгсэл, 1477 мэргэшсэн жолоочтойгоор тээвэрлэлтийг гүйцэтгэж буй. Хот хоорондын чиглэлд 2023 оны 01-р сарын байдлаар 1321.5 мянган зорчигч тээвэрлэсэн нь өмнөх оноос 44.9%-аар өссөн байна.
