Баянзүрх дүүргийн 26 дугаар хороо Дүнжингаравын уулзвар орчимд 60 тн газ тээвэрлэж явсан том оврын автомашин суудлын машинтай мөргөлдсөний улмаас дэлбэрч, гал гарсан ноцтой осол өнгөрөгч шөнө /2024.01.24/ гарсан.
Албаныхны өгсөн мэдээллээр газ тээвэрлэж явсан Patrol маркийн автомашинтай суудлын машин мөргөлдсөний улмаас газ алдагдсан гэх урьдчилсан дүгнэлт гараад байгаа юм.
Тэгвэл Замын-Үүд чиглэлд 60 тонн газ тээвэрлэсэн гэх "Дашваанжил газ" компаниас өнгөрсөн шөнө болсон осолтой холбоотойгоор албан ёсны мэдэгдэл гаргах эсэх, ачаа тээвэрлэлтийн талаар мэдээлэл өгөх эсэхийг тодруулахад, “Одоогоор ямар ч мэдээлэл өгөх боломжгүй” гэлээ.