Цагдаа, дотоодын цэргийн байгууллагын 6100 алба хаагч гэмт хэрэг, зөрчлөөс урьдчилан сэргийлэх чиглэлээр ажиллаж байна. Сар шинийн баярын өдрүүд тохиож байгаатай холбогдуулан Цагдаагийн ерөнхий газраас сэрэмжлүүлэг гаргажээ. Тодруулбал, иргэдийг золгуут хийхээр явахдаа гэр болон орон байраа эзгүй орхисон бол цахим орчинд мэдээлэл оруулахгүй байхыг зөвлөж байна. Учир нь иргэн таны тухайн мэдээллээс үүдэж, хулгайн гэмт хэрэг үйлдэгдэх боломжтой тул болзошгүй эрсдэлээс сэрэмжлээрэй.
