Сар шинийн баярын энэ өдрүүдэд иргэд хөдөө орон нутгийг зорих нь эрс нэмэгдэж, улмаар зам тээврийн осол нэмэгдэх төлөвтэй байна. Тухайлбал, өчигдөр /2024.02.12/ Өвөрхангай аймаг, Хархорин сум Вангийн-Овоо багийн "Умын-Ам" гэдэг газар /сумын төвөөс зүүн урд зүгт 4 км, аймгийн төвөөс зүүн хойд зүгт 120 км/-т 2 суудлын автомашин мөргөлдөж автомашины эд ангид 2 хүн хавчуулагдсан байна гэсэн дуудлагыг ОБЕГ өчигдөр 11:40 цагт хүлээн авсан байна.
Ингээд тус аймгийн Онцгой байдлын газрын Гал түймэр унтраах, аврах 45 дугаар ангийн алба хаагчдыг очиход Архангай аймгийн Өндөр-Улаан сумаас Улаанбаатар хотын чиглэлд зорчиж явсан "Королла Румион" загварын суудлын автомашин, "Коррола" загварын суудлын автомашинтай мөргөлдөж автомашины эд ангид иргэн Н /67 настай, эмэгтэй/ хавчуулагдаж нас барсан байсныг 60 минут ажиллаж цогцсыг гарган Хархорин сумын сум дундын Цагдаагийн хэлтэст, хүнд гэмтэж бэртсэн 1 зорчигчийг сум дундын Эмнэлгийн яаралтай тусламжийн эмчид хүлээлгэн өгчээ. Иймд иргэд та бүхнийг замын хөдөлгөөнд оролцохдоо анхаарал болгоомжтой байхыг анхааруулж тус мэдээллийг нийтэллээ.