Дундговь аймгийн Гурвансайхан сумаас Баянжаргалан сумын чиглэлд явсан “Subaru forester” машинтай хоёр хүн сураггүй болжээ.
Тухайн иргэд нь хоёрдугаар сарын 13-ны өдрийн 19:00 цагийн орчимд Гурвансайхан сумаас гарч, 22:00 цагийн үед Их газрын чулууны баруун хойд зүгт байрлах айлаас зам заалгаад хөдөлсөн байна. Тэд гэр бүлийн хоёр бөгөөд эхнэр нь зургаан сартай жирэмсэн аж. Өдгөө Говь-Угтаал, Баянжаргалан, Дэрэн, Гурвансайхан сумын мэргэжлийн анги болон Онцгой байдлын газрын Эрэн хайх аврах бүлгийн 7 ажлын хэсэг 11 автомашин 48 хүний бүрэлдэхүүнтэйгээр эрлийн ажиллагааг зохион байгуулж байгаа юм байна. Холбоотой мэдээллийг Онцгой байдлын газрын 7059-101, 80105025 дугаарын утсанд өгнө үү.
