УИХ-ын чуулганы өнөөдрийн нэгдсэн хуралдаан 10.41 цагт эхэллээ. Чуулганаар, найман хууль, тогтоолын төсөл хэлэлцэхээр төлөвлөсний УИХ-ын дэд дарга Л.Энх-Амгалан танилцуулав.
Хуралдаанаар хэлэлцэх асуудлын жагсаалтын эхэнд Оюуны өмчийн тухай, Монгол Улсын Хүний эрхийн Үндэсний Комиссын тухай, Аймаг, нийслэл, сум, дүүргийн ИТХ-ын сонгуулийн тухай, Тэсэрч дэлбэрэх бодис, тэсэлгээний хэрэгслийн эргэлтэд хяналт тавих тухай хуульд нэмэлт, өөрчлөлт оруулах тухай хуулийн төсөл багтжээ.
Мөн Тогтоолын хавсралтад нэмэлт, өөрчлөлт оруулах тухай, Гэр бүлийн тухай, Монгол Улсын Эрдэнэсийн сангийн үндсэн сангийн орлого, үндсэн болон гүйлгээ сангийн зарлагын 2020 оны төсвийн тухай, Монгол Улсын Их Хурлын 2020 оны хаврын ээлжит чуулганаар хэлэлцэх асуудлын тухай тогтоолын төслийг хэлэлцэнэ.
Яг одоо Монгол Улсын Хүний эрхийн Үндэсний Комиссын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн эцсийн хэлэлцүүлгийг хийж байна. Хэлэлцэж буй асуудалтай холбогдуулан УИХ-ын гишүүд асуулт асууж, үг хэлж байгаа юм.
ШУУД ҮЗЭХ:
