Энэ оны хоёрдугаар сарын нэгний өдрөөс сургууль, цэцэрлэг, мэргэжлийн боловсрол сургалтын байгууллагад ажилладаг багш нарт хоолны мөнгөний урамшил олгож эхлэх шийдвэр гарчээ.
Тодруулбал, энэ салбарт үйл ажиллагаа явуулдаг 2464 гаруй цэцэрлэг, ерөнхий боловсролын сургууль, мэргэжлийн болон техникийн боловсрол олгодог сургалтын байгууллагын 88 мянган алба хаагчдад сар бүр орон нутагт дунджаар 107.5 мянган төгрөг, нийслэлд 172.0 мянган төгрөгийг олгохоор шийдвэрлэжээ.
Энэ хүрээнд улсын төсвөөс нийт 115.9 тэрбум төгрөгийн эх үүсвэрийг бид цалингийн батлагдсан төсөвтөө багтаан шийдвэрлэх боломжтой бөгөөд цаашид хувьсах зардлын бүрэлдэхүүнд хоол, унааны нөхөх төлбөрийг тусгахаар Засгийн газрын тогтоолд нэмэлт өөрчлөлт оруулан жил бүр нэмэгдүүлэх болно. Ийнхүү ард дунджаар нэг хүнд очих орлого орон нутагт үндсэн цалингийн 7.2 хувиар, нийслэлд 11.6 хувиар орлого нэмэгдэх боломж бүрдлээ. Монгол Улсын Засгийн газрын 2019 оны “Журам батлах тухай” 6 дугаар тогтоолын хавсралтаар батлагдсан “Төрийн албан хаагчид нөхөх төлбөр олгох журам”-ын 8.4-т заасны дагуу “Төрийн албан хаагчийн өдрийн хоолны зардлын тодорхой хсгийг байгууллагаас нөхөн олгоно” гэж заасан.
Иймд сургууль, цэцэрлэгийн захирал, эрхлэгч нар хөдөлмөрийн дотоод журманд нэмэлт өөрчлөлт оруулан өөрийн эрх мэдлийн хүрээнд шийдвэр гарган албан хаагчдад дээрх нөхөх төлбөрийг 2 дугаар сарын 1-ний өдрөөс эхлэн олгох боломжтой боллоо.
 (1).jpg)
