АН-ын Ардчилсан залуучуудын холбоо /АЗХ/-ны төлөөлөл цаг үеийн асуудлаар хэвлэлийн хурал хийлээ. Тэд тус намд байсан зарим залуучуудыг АН-ыг шүүмжилж, мэдэгдэл хийж байгааг буруутгаж буйгаа мэдэгдлээ. Мөн АН-аас УИХ-д нэр дэвшихээр горилж байгаа хүмүүс тус намд 100 сая төгрөг хандивлаж байгааг улс төрийн намуудын санхүүжилт ил болох том эхлэл болсон гэв. Иймд улс төрийн намуудыг санхүүжилтээ ил болгохыг уриалав.
