УИХ-ын чуулганы хуралдаан ирц бүрдээгүй хэвээр байгаа ч УИХ-ын дарга Н.Учрал чуулганыг нээж, гишүүдийг хуралдаандаа идэвхтэй оролцохыг уриалж байсан.
Өнөөдрийн Улсын Их Хурлын чуулганы нэгдсэн хуралдаан анх 10:00 цагт эхлэхээр товлогдсон байсан ч 10:50 цагт эхэлсэн. Хуралдаан ийнхүү хойшилсон нь гишүүдийн ирц бүрдэхгүй байгаатай холбоотой. Тодруулбал, УИХ дахь Ардчилсан намын бүлгээс УИХ-ын дарга Н.Учралыг албан тушаалаасаа огцрох хүртэл чуулганы хуралдаанд оролцохгүй гэдгээ мэдэгдээд байгаа юм. Энэ нь өнөөдрийн хуралдааны ирцэд нөлөөлж, хэлэлцэх асуудлуудыг шийдвэрлэхэд хүндрэл үүсгэж болзошгүй нөхцөл байдалд хүргээд байна. Тэгвэл ирц 40 хувь буюу 126 гишүүнээс 51 гишүүн нь л чуулганы хуралдаанд оролцож байгаа тул хуралдааныг түр завсарлуулав. Өнөөдрийн хуралдаанаар Засгийн газрын хоёр сайдыг томилох асуудал болон Ерөнхийлөгчөөс өргөн барьсан хуулийн төслүүд зэрэг цаг үеийн чухал асуудлуудыг хэлэлцэхээр товлосон байгаа.
ШУУД ҮЗЭХ:
Д.Анар
 (1).jpg)
