ШҮҮХ: Оюунболдын цолыг хурааж, барилдах эрхийг нь хоёр жилээр хасахыг зүйтэй гэж үзлээ

ШҮҮХ: Оюунболдын цолыг хурааж, барилдах эрхийг нь хоёр жилээр хасахыг зүйтэй гэж үзлээ

Өнгөрсөн жил наадамд түрүүлсэн, улсын аварга Э.Оюунболд, улсын начин цолоо баталсан Д.Цэрэнтогтох нараас допинг илэрсэн. Улмаар Үндэсний баяр наадмыг зохион байгуулах комиссоос тэдний барилдах эрхийг хоёр жилээр хасаж, цол, чимгийг нь хураах саналаа Ерөнхийлөгчид өргөн барьсан юм. Үүний сацуу Э.Оюунболд, Д.Цэрэнтогтох нарт унасан бөхчүүдэд цол, чимэг нөхөж олгохоор шийдвэрлэсэн билээ.

Э.Оюунболд, Д.Цэрэнтогтох нар Авлигатай тэмцэх газарт ханданҮндэсний баяр наадмыг зохион байгуулах хороог шүүхэд өгсөн билээ. Тэд шинжилгээнийх нь албан ёсны хариу гараагүй байхад нууц задруулсанд гомдолтой яваагаа хэлсэн.

Өмнө нь хэд хэдэн удаа хойшлоод байсан Э.Оюунболдын нэхэмжлэлтэй шүүх хурал өнөөдөр болов. Өмнө нь тэрбээр шүүх хуралд өөрөө оролцох хүсэлт гаргасан тул хойшлуулсан.

Энэ удаа өөрөө мөн ирээгүй, “АТГ-т шалгагдаж буй тул хэргийг нь түтгэлзүүлж өгнө” гэсэн хүсэлт гаргасан ч шүүх хүлээж аваагүй. Улмаар өнөөдөр хуралдан, Э.Оюунболдын нэхэмжлэлийг хэрэгсэхгүй болголоо. Нийслэлийн Захиргааны хэргийн давж заалдах шүүхээс гаргасан шийдвэрээ танилцуулж мэдээлэл хийлээ.

Тус шүүхээс Э.Оюунболдын цол, чимэгийг хурааж барилдах эрхийг нь хоёр жилээр хасах Баяр наадмыг зохион байгуулах комиссын шийдвэрийг зөв гэж үзлээ. Мөн Э.Оюунболдод унасан бөхчүүдийн цол, чимэгийг нөхөж олгох зүйтэй гэж үзсэн гэв. 




Н.Номтойбаярыг шүүх хурал эхэллээ

8 цагийн өмнө

Шуурхай мэдээ