Шинээр сонгогдсон МҮОХ-ны ерөнхийлөгч Н.Түвшинбаяр орон нутаг дахь ажлаа Орхон, Булган аймгаас эхлэв.
Тэрбээр эхний уулзалтаа “Эрдэнэт үйлдвэр” ТӨҮГ-ын дарга Х.Бадамсүрэнтэй хийж, “Токио-2020” зуны олимпын наадмыг угтаж хамтран ажиллах, олимпын “Алтан Түнш”-ийн гэрээ байгуулах хүсэлтэй байгаагаа илэрхийллээ. Үүнээс гадна хүүхэд залуучууд спортоор ихээр хичээллэх болсон энэ үед биеийн тамир, спортын материаллаг баазыг нэмэгдүүлэх талаар санал солилцов.
Уулын баяжуулах “Эрдэнэт” үйлдвэр тамирчдыг ихээхэн дэмжиж ажиллаж, тус үйлдвэрийн дэргэдэх “Хангарьд” спорт клуб үйлдвэрийн ажиллагсад, иргэдийн эрүүл мэндийг хамгаалж, чийрэгжүүлэхэд чиглэсэн биеийн тамир, спортоор хичээллэх нөхцөл бололцоог бүрдүүлж, улс, тив, дэлхийн хэмжээний ур чадвартай тамирчдыг бэлтгэх зорилготой ажиллаж буйг онцлов.
Уулзалтын үеэр МҮОХ-ны ерөнхийлөгч Н.Түвшинбаяр, “Эрдэнэт үйлдвэр” ТӨҮГ-ын дарга Х.Бадамсүрэнг МҮОХ-ны “Олимпын алдар” одонгоор, ерөнхий захирлын Хамтын ажиллагаа, нийгэм хариуцсан орлогч Д.Дэлгэрбаярыг МҮОХ-ны "Алтан медаль"-иар шагнав. МҮОХ-ны ерөнхийлөгч орон нутаг дахь ажлаа Н.Түвшинбаяр Булган аймгийн Биеийн тамир, спортын хорооны үйл ажиллагаатай танилцаж байна.
