Энэ сарын 12-ны өдрийн 05:32 цагт Хөвсгөл аймгийн Ханх сумын Тураг багийн “Модон хүй-Арал” гэдэг газар/ сумын төвөөс баруун урд зүгт 26 км-т /6.5 магнитудын хүчтэй газар хөдлөлт болсон талаар Онцгой байдлын ерөнхий газраас мэдээлсэн билээ. Үүний дараа хэд хэдэн удаагийн давтамжтай газар хөдлөсөөр буй.
Тэгвэл өчигдөр/2021.01.25/ тус газар орчим дахин давтан газар хөдлөлт болжээ. Тодруулбал, Ханх сумын Хороо багийн “Хачим” гэдэг газар /аймгийн төвөөс хойд зүгт 307 км-т, сумын төвөөс баруун урд зүгт 40 км-т, 01 дүгээр сарын 25-ны өдрийн 20:42 цагт 3.9 магнитуд, 21:53 цагт 4.8 магнитуд, 22:01 цагт 3.7 магнитуд, 01 дүгээр сарын 26-ны өдрийн 01:23 цагт 4.1 магнитуд, 07:01 цагт 4.0 магнитудын хүчтэй хөдлөлт тус тус болжээ. Энэ талаар тус бүсэд нутагладаг орон нутгийн иргэдээс тодруулахад газар хөдлөлтийн чичирхийлэл мэдрэгдсэн бөгөөд учирсан хохиролгүй гэжээ.
