Улаанбаатар хотод хөдөө орон нутгаас ирээд хязгаарлалтад байсан иргэдийн буцах хөдөлгөөнийг өнөөдөр /2021.01.27/ 00:00 цагаас эхлэн зогсоосон.
Учир нь өчигдөр /2021.01.26/ Ховд аймагт очсон гурван иргэнээс коронавирусийн халдвар илэрсэн. Мөн хязгаарлалтаас өмнө нийслэлээс гарч Увс, Завхан аймагт зарим иргэдийн түргэвчилсэн оношилуурын хариу “эерэг” гарч PCR-ын шинжилгээний хариуг хүлээж байна гэж буй. Тэгвэл Дархан-Уул аймагт Улаанбаатар хотоос саяхан очсон иргэний PCR-ын шинжилгээний хариу “эерэг” буюу халдвартай гарсан гэх албан бус мэдээлэл зарим хэвлэлд гарч эхлээд байна. Учир нь энэ талаар ЭМЯ болон УОК-оос мэдээлэл хийгээгүй байна.
