Монгол руу дүрвэсэн Хойд Солонгосын иргэдийг хоёр жилийн дараа БНСУ-д хүлээлгэн өгчээ

Монгол руу дүрвэсэн Хойд Солонгосын иргэдийг хоёр жилийн дараа БНСУ-д хүлээлгэн өгчээ

Одоогоос хоёр жилийн өмнө буюу 2019 оны гуравдугаар сард ОХУ-д ажиллаж байгаад Монгол руу дүрвэсэн Хойд Солонгосын гурван иргэнийг хоёр жилийн дараа БНСУ-ын талд хүлээлгэн өгчээ. Тодруулбал, ОХУ-ын Амур гэх мужид гэрээгээр ажиллаж байсан Хойд Солонгосын гурван иргэн Монголын хилийг давж, Монголд суугаа БНСУ-ын Элчин сайдын яаманд хандан Өмнөд Солонгосоос тусламж гуйхаар төлөвлөжээ. Улмаар 2019 оны гуравдугаар сард оргон Монголтой хиллэдэг ОХУ-ын бүгд найрамдах Буриад улсад ирж, Монголын хилийг зөрчихөөр завдсан байна.

Тэд газрын зураг худалдан авч, Улаан-Үд хотоос Улаанбаатар хүрэх замаа тэмдэглэсэн байжээ. Тэд Улаан-Үдээс машинаар Зэд аймагт хүрч, тэндээсээ Монголын хил рүү явган хөдөлсөн ч хилийн шугамнаас 100 метрийн зайтай явж байхдаа Оросын цэргүүдэд баригджээ.

Улмаар тэндээсээ баригдан Улаан-Үдийн хорих ангид 1.8 жил хоригдож байгаад суллагдсан аж. Тэднийг суллагдсаны дараа Буриадын хүний эрхийн төлөө тэмцэгчид болон НҮБ-ын дүрвэгсдийн агентлаг тусалж БНСУ-д суурьшуулж чаджээ. Тэд “ОХУ-ын хүний эрхийн ажилтанд нууцын зэрэглэлтэй өгсөн ярилцлагандаа “хятадаар дамжвал хятад биднийг эх оронд маань буцаагаад өгөх байх гэж айсан учраас Монгол руу дүрвэсэн” гэж хэлж байжээ.

Монгол руу дүрвэсэн Хойд Солонгосын гурван иргэний нэг