Өмнөговь аймгийн Хүрмэн сумын иргэд өнөөдөр /2022.01.21/ эсэргүүцлийн жагсаалыг зохион байгуулж байна. Тэд "Цагаан дэлийн боомт"-ыг нээхийг эртнээс эсэргүүцэж буй бөгөөд өнөөдөр тэмцлийн дараагийн хэлбэрт шилжиж буйгаа мэдэгджээ.
Иргэдийн хувьд, "Цагаан дэл уулын орчмоор боомт нээх гэж буй бэлчээр, нутаг сүйдэхэд хүргэнэ. Тухайн чиглэлд авто зам тавьснаар олон айл бэлчээргүй болох гэж байна. Сумын удирдлагууд бидний эсрэг байр, суурьтай байгаа" гэлээ.
Тиймээс малчид мэргэжлийн экологичидтой гэрээ хийж хуулийн дагуу шат, шатны арга хэмжээг авч ажиллах юм байна.
