Энэ тавдугаар сарын 11-ний өдөр /2022.05.11/ Нийслэлийн Ардчилсан намын гишүүд "Монголоо Беларусь болгохгүй" цуглааныг хэлмэгдэгсдийн хөшөөний өмнө зохион байгуулсан билээ. Тэгвэл тэрхүү цуглааны үеэр МУГЖ Д.Сосорбарам руу “Дэлхийн Монгол ногоон нэгдэл” ТББ-ын тэргүүн Х.Бээжин нар гурил цацсан хэрэг гарсан. Тус хэргийг одоогоор Чингэлтэй дүүргийн цагдаагийн нэгдүгээр хэлтэст шалгаж байгаа бөгөөд цацсан гурилыг энгийн гурил биш байсан эсэх тал дээр маргаан дагуулаад байгаа юм. Харин энэ талаар Х.Бээжин өөрийн цахим хуудаснаа, "Тэр гурилыг эхнэр бэлдэж өгсөн. Алтан тариан гурил байсан” гэжээ.
