Д.Мөнхчулуун: “Татар” хамтлагийнхан нэр эзэмшигчийн асуудлаар маргалдаагүй

Д.Мөнхчулуун: “Татар” хамтлагийнхан нэр эзэмшигчийн асуудлаар маргалдаагүй

“Татар” хамтлагийн гишүүд нэр эзэмшигчийн асуудлаар “Оюуны өмчийн газар”-т маргаан үүсгэсэн талаар яриа гарсан. Тодруулбал “Татар” хэмээх нэрийг  тус хамтлагийн гишүүн Мөөгий буюу Д.Мөнхчулуун өөрийн нэр дээр  бүртгүүлж, хамтран эзэмшихээс татгалзсан учир бусад гишүүд ашиглаж чадахгүй байгаа талаарх мэдээлэл юм.

Барааны тэмдэг, газар зүйн заалтын тухай хуулийн 14 дүгээр зүйлд “...үйлчилгээ эрхлэгчдийн нийгэмлэг, холбооны гишүүд хамтын тэмдгийг нэгдсэн хяналтын дор ашиглах эрхтэй”  гэж заасан байдаг. Бид “Оюуны өмчийн газар”-ын барааны тэмдгийн бүртгэлээс хайж үзэхэд “Татар”хамтлагийн нэр Д.Мөнхчулууны нэр дээр бүртгэлтэй байсан учир энэ талаар түүнээс тодрууллаа.

Д.Мөнхчулуун хэлэхдээ “2015 онд “Татар” гэсэн нэртэй улс төрийн сайт нээгдсэн байсан. Тиймээс бид нэрээ патентчилж авахгүй бол өөр байгууллага ашиглах магадлалтай гэдгийг мэдээд бүртгүүлэхээр шийдсэн. “Оюуны өмчийн газар”-т бүртгүүлэхийн тулд хамтлагийн бүх гишүүний зөвшөөрөл хэрэгтэй байдаг. Хамтлагийн гишүүд маань ч зөвшөөрч, хоёр жил хөөцөлдсөний эцэст би өөрийн нэр дээр бүртгүүлсэн. Нэр эзэмшигчийн асуудлаар хамтлагийн гишүүдийн дунд ямар ч маргаан гараагүй” гэж хэлсэн юм.




Улаанбаатарт 7 градус хүйтэн байна

3 цагийн өмнө

Шуурхай мэдээ
Өнөөдөр нохой өдөр

3 цагийн өмнө