М.Билэгт гишүүн хавдрын шинэ эмнэлгийн барилгаа ТӨРД ХУДАЛДАХГҮЙ

М.Билэгт гишүүн хавдрын шинэ эмнэлгийн барилгаа ТӨРД ХУДАЛДАХГҮЙ

"Ачлалтрейд" ХХК-ийг үүсгэн байгуулагч М.Билэгт нь 2010 онд өндөр хөгжилтэй орны эрүүл мэндийн үйлчилгээг  Монголдоо нутагшуулах зорилгоор хөгжингүй орны стандартыг хангах "ЭМНЭЛЭГИЙН БАРИЛГА БАРЬЖ БАЙГУУЛАХ" төслийг санаачилан хэрэгжүүлж эхэлсэн байдаг. Энэ хүрээнд баригдсан "Энермед” ХХК-ийн эмнэлгийн барилга нь Япон Улсын стандартын дагуу улсын эмнэлгийн ачааллыг хоёр дахин бууруулах хүчин чадалтайгаар баригдхж, орчин үеийн шинэ хавдрын эмнэлгийн эрүүл мэндийн тусламж үйлчилгээ явуулахад шаардлагатай оношлогоо, эмчилгээний тоног төхөөрөмж, хэрэгсэл суурьлуулахад бэлэн болсон байна. 

Шинэ эмнэлгийн барилгыг 2019.05.17-ны өдөр Барилга байгууламж ашиглалтад оруулах Улсын комисс хүлээн авч, эмнэлгийн зориулалтаар ашиглах боломжтой гэсэн төрийн байгууллагуудын албан ёсны зөвшөөрөл баталгаажжээ. Төслийг анх 2010 онд санаачилж, хэрэгжүүлэхээр эхэлсэн бөгөөд 2016 онд М.Билэгт УИХ-н гишүүн болсонтой нь холбогдуулан сүүлийн жилүүдэд  “Төрд  эмнэлгээ шахах гэж байгаа” гэх утга бүхий сөрөг шүүмжүүд ихээр өрнөсѳн юм. 

Тиймээс 2019.05.25-ны өдөр МАН-ын дарга, Ерөнхий сайд У.Хүрэлсүх УИХ дахь МАН-ын бүлгийн гишүүдтэй уулзалт хийх үеэр М.Билэгт гишүүн “БИ ӨӨРИЙН ХУВИЙН ӨМЧ ЭМНЭЛГИЙН БАРИЛГАА ТӨРД ХУДАЛДАХГҮЙ " гэдгээ албан ёсоор хэлсэн байна. 

Тэрбээр "Гэхдээ би хавдрын өвчтэй олон мянган иргэд өндөр хөгжилтэй орны жишигт нийцсэн, орчин үеийн тусгай технологийн шийдэл бүхий эмнэлгээр үйлчлүүлэхэд өөрийн хувь нэмрээ оруулахаар энэ төслөө санаачласан зорилго, зүтгэл маань хэвээрээ байгаа” гэдгээ илэрхийлжээ. 

Ингэснээр М.Билэгт гишүүн хавдрын шинэ эмнэлгийн барилгаа төрд худалдах гэж зүтгэхгүй гэдэг нь тодорхой болсон байна. 

“Энэрмед” ХХК-ийн шинэ эмнэлгийн барилга нь нийт 11 мянган метр квадрат талбайтай бөгөөд өдөрт 500, жилд 150 мянган иргэнийг амбулаториор хүлээн авч, оношилгоо, эмчилгээ хийх, эмнэлгийн тусламж үйлчилгээ үзүүлэх хүчин чадалтай аж.

Уг Эмнэлэгийн Барилгын гэрэлтүүлэг, дотоод холбоо дохиолол, цахилгаан, халаалт, агааржуулалт, хөргөлтийн автомат удирдлагатай хяналтын систем, газ хийн , хүчил төрөгчийн систем зэрэг нь орчин үеийн өндөр хөгжилтэй орны стандартыг хангах эмнэлгийн барилгын зориултаар бүтээгдсэн юм байна. 

Эмнэлэгийн барилга нь нийт 20.0 сая гаруй ам.долларын хөрөнгө оруулалтын санхүүжилтээр орчин үеийн өндөр хөгжилтэй олон улсын эмнэлгийн  стандартыг хангасан байдлаар баригдсан билээ.

ДАШРАМД СОНИРХУУЛАХАД: Сүүлийн жилүүдэд Азийн хөгжлийн банк, Солонгос Улсын Экзим банк, Япон Улс зэрэг Засгийн Газар хоорондын хэлэлцээрээр 30-40 жилийн урт хугацаатай хөнгөлттэй зээлийн хөрөнгө оруулалтын санхүүжилтээр хэд хэдэн эмнэлгийн барилга баригдаж буй. 

Дээрх Олон улсын хөнгөлттэй хөрөнгө оруулалтын санхүүжилтээр баригдаж байгаа эмнэлэгийн барилгуудыг барьж байгуулах төслүүдийг Япон, Солонгос, Австри зэрэг хөгжингүй орны  компаниуд ерөнхий гүйцэтгэгчээр Эрүүл мэндийн яамтай гэрээ байгуулан гүйцэтгэж байгаа юм. 

Харин “Энэрмед” ХХК-ийн шинэ эмнэлгийн барилгыг "Ачлалтрейд" компани өөрийн 100 хувийн хөрөнгөөрөө дэнчин тавьж, арилжааны банкуудаас хөрөнгө оруулалтын зээлээр санхүүжүүлж, ерөнхий гүйцэтгэгчээр "Ачлалтрейд" ХХК  өөрөө барьсан байна. Ингэхдээ  Японы эрүүл мэндийн салбарын мэрэгжилтнүүдээр  эмнэлгийн барилгынхаа зураг төслийг боловсруулахад  зөвлөх үйлчилгээ авч, ТЭЗҮ-гээ хийлгэн, эмнэлгийн барилгын угсралтыг Монгол инженер, техникийн ажилтнууд гүйцэтгэснээрээ ихээхэн онцлогтой юм.




УИХ-ын гишүүн асан А.Мурат таалал төгсжээ

10 цагийн өмнө

Шуурхай мэдээ