УИХ-аар батлаагүй Тавантолгойн ордын хөрөнгө оруулалтын гэрээтэй холбогдуулан, Монгол Улсын сайд асан М.Энхсайханд шүүхээс 4.6 жилийн ял ногдуулсныг эсэргүүцэн, “Гэр хороолол хөдөлгөөн”-ийн тэргүүн Э.Бат-Үүл өнөөдөр /2020.05.21/ 11.00 цагт Сүхбаатарын талбайд цуглаан зохион байгуулахаа мэдэгдсэн. Гэвч уг цуглаан хойшилсныг Э.Бат-Үүл цахим хаягаараа дамжуулан мэдэгдээд байна.
Тэрбээр цуглаан хойшлуулсан шалтгаанаа “М.Энхсайхан, өөрийг нь дэмжиж байгаа бүх хүнд талархлаа илэрхийлэхийн ялдамд коронавирусын тархалт идэвхжих хандлагатай байгаа үед олон хүнд халдвар тархах эрсдэлтэйг бодож санаачилсан цуглаанаа хойшлуулахыг надаас хүсчээ! Ийм тулцуглааныг хойшлуулж байна” гэжээ.
М.Энхсайхан,өөрийг нь дэмжиж байгаа бүх хүнд талархалаа илэрхийлэхийн ялдамд коронавирусын тархалт идэвхжих хандлагатай бгаа үед олон хүнд халдвар тархах эрсдэлтэйг бодож санаачилсан цуглаанаа хойшлуулахыг надаас хүсчээ! Ийм тул маргааш 11 цагийн цуглааныг хойшлуулж бна!
— Эрдэнийн Бат-Үүл (@E_BatUul) May 20, 2020
