Сэлэнгэ аймаг Мандал сум Шүүхийн шийдвэр гүйцэтгэх 433-р хаалттай хорих ангид хүмүүжиж байсан этгээд тавдугаар сарын 10-ны өдөр оргон зугтсан хэрэг гарчээ.
Тодруулбал, 25 настай хүмүүжигч О.Оюунболд гэх эрэгтэй нь Эрүүгийн хуулийн 10.1.дэх хэсэгт зааснаар буюу хүнийг алах гэмт хэргээр 2020 оны есдүгээр сарын 24-ний өдөр шүүхээс 13 жилийн хорих ял шийтгэгдэн, улмаар тус ангид хүмүүжиж байсан байна. Тухайн этгээд нь ногоон алаг цамцтай явж байж болзошгүй аж. Содон шинж нь: Дөрвөлжин толгой, цайвар шар царайтай, давхараагүй бор нүдтэй, шингэн хар хөмсөгтэй, хоёр нүдний дунд жижиг хар мэнгэтэй, зүүн гарын дотор шуунд зүссэн гэх сорвитой, зүүн хөхний хажууд түлэнхий сорвитой.
