Хөвсгөл аймгийн Онцгой комисс өчигдөр/2021.03.19/ хуралдаж, гуравдугаар сарын 20-29-ны өдрийг хүртэл есхоногийн хугацаанд хөл хорио тогтоох шийдвэр гаргажээ.
Энэ хугацаанд дараах үйл ажиллагаануудыг зогсоохоор болжээ. Үүнд:
- Хөвсгөл аймгийн Цэцэрлэг суманд батлагдсан КОВИД-19 халдварын тохиолдол нэмэгдэж байгаатай холбогдуулан Цэцэрлэг, Цагаан-Уул сумын бүх шатны боловсролын байгууллагын танхимын хичээлийн үйл ажиллагаа болон Мөрөн сумын ЕБС-ийн 12 дугаар ангийн сурагчдын давтлага, сургалтаас бусад боловсролын үйл ажиллагаа,
- Мөрөн, Цагаан-Уул сумын бүх шатны боловсролын үйл ажиллагааг зогсоосонтой холбогдуулан 0-5 насны хүүхэдтэй ажилтанд байгууллагын хүний нөөцийн нөхцөл боломжтой уялдуулж, цалинтай чөлөө олгох,
- Аймгийн хэмжээнд согтууруулах ундаагаар үйлчлэх, худалдан борлуулах үйл ажиллагаа,
- Аймгийн хэмжээнд жагсаал цуглаан, уралдаан тэмцээн, аялал зугаалга, хурим найр, хүлээн авалт, өргөтгөсөн болон үзэсгэлэн худалдаа, цахим болон бүх төрлийн тоглоомын газар, алжаал тайлах төв, дэн буудал, фитнесс, шашны зан үйл, сүм хийд, мөргөлийн газруудын үйл ажиллагаа,
- Зах болон зах орчмын худалдаа үйлчилгээний төвүүдийн үйл ажиллагааг дээрх заасан хугацаанд зогсоох шийдвэрийг тус тус гаргажээ
Эх сурвалж: Хөвсгөл аймгийн онцгой комисс
