Covid-19-ийн тархалт нэмэгдэж буйтай холбогдуулан нийслэлд тогтоосон хатуу хөл хориог 2021 оны тавдугаар сарын 8-ны өдрийн 06.00 цаг хүртэл сунгах шийдвэрийг Засгийн газраас гаргасан.
Хөл хорионы үед явган зорчигчийн хөдөлгөөнд тавих хяналтыг чангатгана гэдгийг УОК-оос мэдээлсэн.
Нийслэлд хөл хориог сунгасантай холбогдуулан Үндэсний цэцэрлэгт хүрээлэн тавдугаар сарын 7-ныг дуустал ажиллахгүй болсноо мэдэгджээ. Үндэсний цэцэрлэгт хүрээлэнгийн зүгээс цар тахлын дэгдэлтийн үед тогтоосон хатуу хөл хориог үр дүнтэй болгохын тулд энэ шийдвэрийг гаргасан гэжээ.
