СӨХ-ны үйл ажиллагаа ШИЛЭН боллоо. ШӨХТГ-т СӨХ-ны асуудлаар дараах гомдол ирдэг.
- Сууц өмчлөгчдийн холбооны төлбөр, хураамж, зарцуулалт, хяналт
- СӨХ ус, цахилгаан тасалж байгаа тухай
- СӨХ-ны дундын өмчлөлийн засвар үйлчилгээ
- Хууль бусаар СӨХ байгуулсан, СӨХ-г солих шаардлагатай тухай
- Орон сууцны засвар, үйлчилгээ үзүүлж буй компани СӨХ-ны үйл ажиллагаа явуулж байна гэх мэт.
Иймд эдгээр асуудлыг шийдвэрлэж иргэн таны СӨХ-д төлсөн мөнгө хаана, юунд зарцуулагддаг тухай иргэд хяналт тавих, гомдол өгөх, шийдвэрлүүлдэг байх энгийн хялбар хэрэглээтэй UBCall буюу "ШИЛЭН СӨХ" апп-тай боллоо. Эхний ээлжинд СӨХ-ны Дээд зөвлөлийн гишүүн 900-н СӨХ тус аппликейшнийг үйл ажиллагаандаа нэвтрүүлж эхэллээ.
"ШИЛЭН СӨХ" апп-ны хөгжүүлэлтийг “ЮБ КОЛЛ” ХХК гүйцэтгэсэн бөгөөд үйлчилгээндээ ашиглахыг хүссэн аль ч СӨХ-д үнэ төлбөргүй, хугацаагүйгээр ашиглах эрх олгож байна. Хамгийн гол нь иргэд сэтгэл ханамжтай байж, хүн бүрт эргэлзээтэй байсан СӨХ-ны асуудлууд шилэн болох нь чухал юм.