Онцгой байдлын албанд Нийслэлийн Баянзүрх дүүргийн 20 дугаар хороо, “Хойхоон-Ам” гэдэг газар “Туул” голд бага насны хүүхэд усанд осолдсон тухай дуудлагыг /05.17/ өчигдөр 17:47 цагт ирүүлжээ.
Налайх дүүргийн Онцгой байдлын хэлтсийн Гал түймэр унтраах, аврах 28 дугаар ангийн алба хаагчид 20 км замыг туулан 18:30 цагт очиж таван настай М хүүг голын усанд эрэн хайх ажиллагааг зохион байгуулж үр дүнд хүрээгүй тул мөн өдрийн 20:50 цагт түр зогсоосон байна. Өнөөдөр /05.18/ өглөө 06:40 цагт эрэн хайх ажиллагааг эхлүүлжээ. Иймд иргэд та бүхэн бага насны хүүхдэдээ тавих хараа хяналт, сонор сэрэмжээ сайжруулж, голын эрэг орчим анхаарал болгоомжтой байхыг анхааруулж байна.
