Энэ сарын 17-ны 11:00 цагийн үед "БЗД, Офицер орчмын X апартментын зүүн талаас зургаан настай М, 60 настай О нар салхилахаар гараад алга боллоо" гэх мэдээллийн дагуу цагдаагийн байгууллага эрэн сурвалжилж эхэлсэн билээ. Бид эмээ охин хоёр олдсон эсэхийг охины ээжээс асуулаа.
Тэрбээр "Алга болсон өдрөө хамгийн сүүлд 13:50 цагт аавтайгаа холбогдон "Сансарт явж байна" гэж хэлээд холбоо тасарсан. Ээжийн маань утас нь холбогдож байгаа ч утсаа авахгүй байгаа.
Гар утасны дугаараар нь шүүлгэж хайх гэсэн боловч одоог хүртэл зөвшөөрөл өгөхгүй, эрэн хайх ажиллагаа удаашралтай байна.
Тухайн өдөр хамгийн сүүлд 14:00 цагийн орчимд сансарын ойр хавийн камерийн бичлэгт өртсөнөөс өөр харсан хүн олдоогүй. Ойр хавийн хамаатан садан, төрөл төрөгсдийнхөө гэрт ч очоогүй байна" гэлээ.
Эмээ, охин хоёрыг харсан бол 91641221, 88057386 утас руу холбогдоно уу.
