Нийслэлийн Засаг даргын захирамжаар маргаашаас /2021-08-01/ эхлэн махны задгай худалдааг албан ёсоор хориглохоор болжээ.
Энэ сарын 23-нд Шударга өрсөлдөөн хэрэглэгчийн төлөө газраас ”Хүчит шонхор” худалдааны төвд явуулсан шалгалтын дүнг танилцуулахдаа ил задгай махны худалдааг хориглохыг санал болгосон юм. Ингээд тус захаас ХХААХҮ-ийн сайд З.Мэндсайхан болон Нийслэлийн удирдлагуудад дараах саналыг хүргүүлсэн. Тус саналд:
- Махны ил задгай худалдааг бүрэн зогсоох,
- Махны бөөний худалдааны төвлөрлийг сааруулж хүртээмжийг нэмэгдүүлэх, өрсөлдөөнийг хангах үүднээс Улаанбаатар хотын дөрвөн талд бөөний худалдааг хийх,
- Хүн амын хэрэгцээнд зориулсан хүнсний махыг зөвхөн үйлдвэрийн аргаар төхөөрөх гэх мэт зүйлсийг тусгасан байна.
