“Утаагүй Улаанбаатар-2020” төслийг үе шаттай хэрэгжүүлэх хүрээнд “Сайжруулсан шахмал түлшний үйлдвэрлэх чиг үүрэг бүхий “Тавантолгой түлш” ХХК үүсгэн байгуулагдсан.
Тус компанийн захирлаар М.Ганбаатар томилогдож, тэрээр шахмал түлшний үйлдвэрүүдийг амжилттай байгуулж, нийслэлийн иргэдийг шахмал түлшээр хангаж эхэлсэн билээ. Тэгвэл М.Ганбаатар “Тавантолгой түлш” ХХК-ийн захирлын ажлаа өнөөдөр /2021.08.16/ хүлээлгэн өгсөн байна. Түүний орлон гүйцэтгэгчээр н.Ундармаа томилогдсон байна. Тэрээр өмнө нь тус компанийн дэд захирлаар ажиллаж байжээ.
