Токио 2020 олимпын наадмын мөнгөн медальт Иран гаралтай монгол тамирчин Саид Моллаыг ''Эко кар ХХК'' хүссэн нэг авто машинаа сонгон авах эрхээр шагнасан.
Тэгвэл ''Эко кар ХХК'' компани өнөөдөр / 2021-08-06-/ олимпын мөнгөн медальтанд хүссэн автомашинаа сонгох эрхийг гардуулан өглөө. Мөн түүний сонгосон автомашины гурван жилийн засвар үйлчилгээг ч компанийн зүгээс бүрэн даахаа мэдэгдлээ. Тэрээр цагаан өнгийн Toyota Sai маркийн автомашиныг сонгон авсан юм.
Саид Молллай энэ үеэр монголын ард түмэн болон, Эко кар ХХК-ийн хамт олонд маш их талархаж буйгаа илэрхийллээ. Тэрээр олон улсын жолоодох эрхийн үнэмлэхтэй учир машинаа шууд жолоодоход асуудалгүй, машинаа унаад хамгийн түрүүнд фитнесс рүү явна хэмээн хариуллаа.
