УИХ-ын 28 дугаар тойрог буюу Сонгинохайрхан дүүрэгт парламентын гишүүнийг сонгох нөхөн сонгууль болж байна. Тус сонгуульд хотын дарга асан Э.Бат-Үүл АН-аас нэр дэвшиж байгаа нь хоёр хуваагдаад байсан тус нам эвлэрч, нэгдэх эхлэл тавигдлаа гэж ихэнх иргэд үзэж буй.
Тухайлбал, АН “Эв нэгдэл”-ийн их хурлаа ирэх арваннэгдүгээр сарын 5-ны өдөр буюу Чингис хааны мэндэлсэн өдөр хийнэ гэдгээ мэдэгдсэн.
Тэгвэл УИХ-ын 28 дугаар тойргийн нөхөн сонгуульд нэр дэвшигч Э.Бат-Үүлийн сонгуулийн ерөнхий менежерээр АН-ын Ерөнхий нарийн бичгийн дарга Ч.Өнөрбаяр ажиллаж байгаа аж. Харин тэрээр тус сонгуулиар хоёр хуваагдсан намын гишүүдээ эвлэрэлд хөтлөхөд чухал үүрэг гүйцэтгэсэн талаар тус намын гишүүд дотор яригдаж эхэлжээ.
Мөн Э.Бат-Үүл өөрийн твиттер хуудастаа, "Зоригоо /С.Зориг/ минь! Бидний хойч үеийхэн маань гарч ирээд эрх чөлөөний төлөө тэмцлийг буухиалан авч байна даа! Гайхалтай байгаа биз!" хэмээн жиргэжээ.
Зоригоо минь!Бидний хойч үеийхэн маань гарч ирээд эрх чөлөөний төлөө тэмцлийг буухиалан авч байна даа! Гайхалтай байгаа биз! Sent from Viber https://t.co/vKTchpOzm9 pic.twitter.com/rAysGHUski
— Эрдэнийн Бат-Үүл (@E_BatUul) October 2, 2021