Сүхбаатар дүүргийн 12 дугаар хорооны нутаг дэвсгэрт Сэлбэ голд бохир ус нийлж байна гэсэн мэдээллийг иргэд өгчээ. Мэдээллийн дагуу Туул голын сав газрын захиргаанаас шалгалт хийхэд Ус суваг удирдах газарт хамаарагдах бохир усны шугамын хоолойд гэмтэл гарсны улмаас халилт үүсэж, бохир ус голд нийлж буйг өчигдөр /2022.04.30/ илрүүлсэн байна.
Иймд тус гэмтлийн мэдээллийн Шуурхай удирдлагын төвд өгснөөр засварлах ажлыг эхлүүлсэн хэмээн Туул гол сав газрын захиргаанаас мэдээллээ.
