Богд хааны ордон музейн урд талын 1.36 га талбайд ногоон байгууламж байгуулахаар болжээ. Зураг төслийг гаргасан ба бэлтгэл ажлын шатандаа явж байгаа аж.
Харин тус музейн зүүн талд 1.4 га талбайд “Богд хааны дурсгалын цэцэрлэгт хүрээлэн”-г 2020 оны есдүгээр сард байгуулсан. Уг цэцэрлэгт хүрээлэнд, Богд хааны хөшөө, “Богд хааны лүндэн”, “Мөнх тэнгэрийн хүчин дор” зэрэг нийт 13 хөшөө дурсгал болон ногоон байгууламж, явган хүний зам талбай, гэрэлтүүлэг, усалгааны систем бүхий соёл, амралтын цогцолбор байгуулаад буй юм.
