Өнөөдөр нутгийн зүүн хэсгээр салхитай, сэрүүхэн байна. Нутгийн зүүн хэсгээр үүлэрхэг. Хэнтийн уулархаг нутаг, Дорнод-Дарьгангын тал нутгаар бороо, уулархаг нутгаар нойтон цас орно. Бусад нутгаар багавтар үүлтэй, бороо орохгүй. Ихэнх нутгаар баруун хойноос секундэд 5-10 метр, говь, тал хээрийн нутгаар секундэд 14-16 метр хүрч ширүүснэ. Хэнтийн уулархаг нутаг, Туул, Тэрэлж, Хэрлэн, Онон, Улз, Халх голын хөндий, Дорнод-Дарьгангын тал нутгаар 8-13 градус, Их нууруудын хотгор болон Алтайн өвөр говиор 24-29 градус, бусад нутгаар 16-21 градус дулаан байна. Улаанбаатарт үүлшинэ. Бага зэргийн бороо, нойтон цас орно. Салхи баруун хойноос секундэд 7-12 метр. 11-13 градус дулаан байна гэж Цаг уур орчны хүрээлэнгээс мэдээллээ.
