Багануур ХК-ийн гүйцэтгэх захирал Э.Номинчулууныг 3 мянган ам.долларын хахууль авч байхад нь энэ оны дөрөвдүгээр сарын 23-ны өдөр АТГ-ын алба хаагчид үйлдэл дээр нь илрүүлж, дайчлан баривчилсан талаар бид мэдээлсэн билээ. Мөн Э.Номинчулууны дээрх хэрэгтэй нь холбогдуулж нэр бүхий сайтын эрхлэгч, сэтгүүлч Г-ын гэр болон ажлын байранд нь нэгжлэг хийж, шалгасан байдаг. Тэгвэл эл хэрэгт Эрүүгийн хэрэг үүсгэж, шүүхэд шилжүүлэх саналтайгаар прокурорын байгууллагад хүргүүлсэн байна.
