ВИДЕО: Эрүүл мэндийн салбарт иргэдээс ирүүлж буй гомдлын дийлэнх нь эмчилгээний цаг авахтай холбоотой байна

ВИДЕО: Эрүүл мэндийн салбарт иргэдээс ирүүлж буй гомдлын дийлэнх нь эмчилгээний цаг авахтай холбоотой байна

ЭМЯ-аас сар бүр Засгийн газрын иргэд олон нийттэй харилцах 1111 төвөөр дамжуулан иргэдийн санал хүсэлт, гомдлын шийдвэрлэлтийн талаарх мэдээллийн хүргэж буй.

Өнөөдөр /2022.07.01/ хэвлэлийн баг хурлаар өнгөрсөн нэг сарын хугацаанд иргэдээс ирсэн гомдол, мэдээллийг шийдвэрлэсэн байдлын талаар мэдээлэл хийлээ.

ЭМЯ-ны Төрийн нарийн бичгийн дарга Ц.Эрдэмбилэг, "Засгийн газрын иргэд олон нийттэй харилцах 1111 төвд 11 эрүүл мэндийн байгууллагыг холбож гомдол хүлээн авч өргөдөл ирүүлснээс хойш 30 хоногт шийдвэрлэдэг. Мөн гомдол гаргагч иргэнтэй холбогдож мэдээллийг өгч, ажилтанд гаргасан гомдлыг нөхцөл байдлаас хамаарч 90 хоногт шийдвэрлэж болно. 2022 оны зургадугаар сард эрүүл мэндийн салбарт ирүүлсэн нийт 144 өргөдөл, гомдол, хүсэлтийг хүлээн авч шийдвэрлэлээ. Шийдвэрлэсэн асуудлуудын 60.4 хувь гомдол, 5.6 хувь нь санал, 7,6 хувь нь хүсэлт, 26.4 хувь нь талархал байна.

Үүнээс хамгийн их өргөдөл гомдол авч шийдвэрлэсэн 11 эрүүл мэндийн байгууллага байгаагаас Улсын нэгдүгээр төв эмнэлэг 27.6 хувь, Улсын хоёрдугаар төв эмнэлэгт 13.8 хувь, Эрүүл мэндийн хөгжлийн төвд 13.8 хувь, Хавдар судлалын үндэсний төвд 10.3 хувь, Эх хүүхдийн эрүүл мэндийн үндэсний төвд 9,2 хувь, Улсын гуравдугаар төв эмгэлэгт 8 хувь, Халдварт өвчин судлалын үндэсний төвд 6,9 хувь тус тус гомдол ирсэн байна. Үлдсэн 10.3 хувийг бусад эрүүл мэндийн байгууллагууд эзэлж байна. Шийдвэрлэсэн өрөвдөл гомдлыг агуулгаар нь авч үзвэл Эмчилгээ үйлчилгээтэй холбоотой 42.7 хувь, Эмнэлэгт цаг авахтай холбоотой 37.9 хувь, Эмч ажилчдын харилцаа хандлагатай холбоотой 12.6 хувь, бусад төрлийн гомдол 6,8 хувь байна. Уг өрөвдөл, гомдолтой холбоотой асуудлыг иргэн бүртэй утсаар холбогдон шийдвэрлэж, зохих арга хэмжээг авч ажилласан" гэлээ.

Улсын нэгдүгээр төв эмнэлгийн захирал Б.Хишигжаргал, Манай эмнэлгийн хувьд 1111 төвд нийтдээ 27 гомдол, санал, талархал ирсэн байна. Үүнийг хувилж үзэх юм бол гомдол 76.9 хувь, санал 3,8 хувь, хүсэлт 15,4 хувь, талархал 3,8 хувь ирсэн байна. Бид ирсэн гомдлыг ангилж үзэхэд нийт гомдлоос эмнэлгийн тусламж үйлчилгээтэй холбоотой мэдээлэл дийлэнх хувийг эзэлж байна. Энэ нь цахимд шилжсэнтэй холбоотой эмнэлгийн цаг авах асуудал байгаа юм.

Цахимаар цаг авч үзүүлэхээр ирэхээр баталгаажаагүй байна. Эрүүл мэндийн даатгалын бүлтгэхгүйгээр цаг өгч байна гэх мэт гомдол их байна.

Мөн урьдчилан сэргийлэх эрт илрүүлгийн шинжилгээнд ороогүй багц шинжилгээ хийлгэмээр байна. Энэ шинжилгээнүүд хангалтгүй байна гэсэн гомдол их байна. Ажилчдын харилцаа, хандлагатай холбоотой мэдээлэл бас олон байна. Уг асуудлыг шалгаж гомдол гаргаж буй иргэдэд мэдээлэл өгсөн. Манай эмнэлэг шинэ санхүүжилтийн тогтолцоонд орсноор бид хурц эмнэлгийн тусламж авах шаардлагатай. Амь нас нь эрсдэх аюултай иргэдийг хүлээн авч нэн яаралтай хэвтүүлэн эмчилж байгаа. Бусад үйлчилгээг баг зэрэг хойшлуулах зохицуулалт хийж ажиллаж байна. Бид байгууллагын үйл ажиллагааг сайжруулах зорилгоор гомдол мэдээллийг хүлээн авч шийдвэрлэж, иргэдэд тайлбарлаж ажиллаж байна” гэв.

ВИДЕО: